Gukesh: भारताच्या दोनारूम्मा गुकेश या खेळाडूने कमाल करून दाखवली आहे. त्याने Aimchess Rapid ऑनलाईन स्पर्धेत ऐतिहासिक कामगिरी केली आहे. गुकेशने या स्पर्धेत विश्वविजेत्या खेळाडूचा पराभव केला आहे. त्याच्या या कामगिरीचे सर्वत्र कौतूक होत आहे. भारतासाठी ही अभिमानाची गोष्ट आहे.
भारताचा 16 वर्षीय ग्रँडमास्टर डी गुकेश याने अॅमचेस ऑनलाइन जलद बुद्धिबळ स्पर्धेच्या नवव्या फेरीत जागतिक क्रमवारीत अव्वल क्रमांकावर असलेल्या मॅग्नस कार्लसनचा पराभव केला. विश्वविजेत्याला पराभूत करणारा तो सर्वात तरुण खेळाडू ठरला. चेन्नईच्या डी गुकेशने पांढऱ्या मोहऱ्यांसह खेळत 29 चालींमध्ये विजय मिळवला.
याच्या एक दिवस आधी भारताच्या 19 वर्षीय अर्जुन एरिगेसीने कार्लसनचा पराभव केला. अॅरोगेसीचेही २१ गुण आहेत. तो चौथ्या स्थानावर आहे. अर्जूनने निल ग्रँडेलिअस (स्विडन), डॅनियल नारोडेत्सकी (अमेरिका) आणि कार्लसेनचा पराभव केला.
मेल्टवॉटर चॅम्पियन्स चेस टूरने ट्विट केले की, “गुकेश विश्वविजेत्या कार्लसनला हरवणारा सर्वात तरुण खेळाडू ठरला. शाब्बास.’ Amchess स्पर्धा मेल्टवॉटर चॅम्पियन्स बुद्धिबळ टूरचा एक भाग आहे. गुकेशचे वय 16 वर्षे 4 महिने 20 दिवस आहे.
दरम्यान, यापूर्वीचा विक्रम आर प्रज्ञानानंद याच्या नावावर होता. फेब्रुवारी 2022 मध्ये जेव्हा त्याने कार्लसनला एअरथिंग्ज मास्टर्समध्ये पराभूत केले तेव्हा प्रज्ञानंधाचे वय 16 वर्षे, सहा महिने आणि 10 दिवस होते. संस्मरणीय विजयानंतर गुकेश म्हणाला, “मॅगनसला हरवणे नेहमीच खास असते, परंतु मला या सामन्याचा फारसा अभिमान वाटत नाही.
१६ वर्षीय गुकेशने पीटीआयला सांगितले की, ‘व्यावसायिक म्हणून मी ज्या प्रकारे खेळलो त्यामुळे मी खूश आहे. हा विजय निश्चितच माझे मनोबल वाढवण्यात महत्त्वाची भूमिका बजावेल आणि मी आगामी सामन्यांची वाट पाहत आहे.
इतर बातम्या
T20 World Cup: टी २० वर्ल्डकपच्या पहिल्याच सामन्यात रोहित रचणार इतिहास; धोनीचा ‘हा’ मोठा विक्रम काढणार मोडून
Shikhar Dhawan: धवनच्या नेतृत्वात मालिका जिंकून भारतीय संघाने रचला इतिहास, २० वर्षांचा हा’ विक्रम काढला मोडीत
